I Makedonia palo jekh decenia kriza e natalitetea , ko nakhle berša sikavel desavo hari pozitivno trendi, numa panda nane ko okola thema so beršencar si len trendi meribaja.
Numa i Makedonia si an i pozitiva jekhutne o panda baro procento biande taro Albancia, Turklie thaj Roma. Ko Makedoncia, Srblie thaj o Vlahia o demografsko progresi lungo periodo si – negativno.
Sar tergjona o bukja aso o skopsko regiono?
Ake nekobor statistikne informacie ko avgo kvartalo an o Skopjakoro regiono. An i komuna Karpoš ko avgo trin masekoa biame si 128 čhave, a mule 175 persone. Studeničani, biandile 109, a mule 23. An o Aračinovo biame si 48 a mule 16 persone. Čair komuna si majbut majuče o proseko natalitetea an o Skopje. Biandile 272, a mule 148 ko avgo kvartalo beršeske.
O kapaciteto jekhe familiake , komuna thaj them dikhel pe aso odova kobor manuša isi, kobor olendar džan an i škola, keren uti aso piro džanlipa thaj šajdipa an i jekhin. Te na sine manuša sa o aver kriteriumia nane odokhare importantno. Bizo manuša nane khanči.
