Bikhereskoro manuš – čorolo rodibaja ko kante gunoea an o aeropsorto Šarl de Gol an o Pariz notiringje kaj si phravdo o udar tari jekh kancelaria e kompaniake “Lumis” so kerela transporti e lovenge dži thaj taro aeroporto.
Kana khuvgja andre, arakhlja duj vrelke pherdo lovencar. Palo odova o manuš našavdilo taro aeroporto e duj vrekje lovencar a mukhlja pali peste jekh purani vrekja ple pirane šeencar.
Avgo akaja storia akale čoribaske dengja la e franciakiri gazeta ” Le Parisien” anavkeribaja akava akti sar perfektno čoripa. Ko gonoa so akava manuš lelja olen sine paše 300.000 eura.
I policia akana rodela jekhe 50 beršengere murše sp odentifikujngja ole i aeroporteskiri policia.
„Ko starto amen gndingjam kaj akava si mestimo akti, numa akana dikha kaj akava si saste baht e manušesle. Akava si čače napakjajbaske” vakeren o informacie tari policia e agenciake “Franc press”
