Saranda Roma taro Prilep thaj Kumanovo so nakhavgje o zarurutne praktike te šaj sikljon tamikeriba an o fasade, gips, pvc montaža thaj keriba buti an o duvaria, resle o sertifikaria so šaj sastze te phanen pe ko marketi e bukjake thaj te oven konkuretno ko plo džanlipa. Akala praktike sine realizirime an o pervazia e proekteske ” Ikerde modalitetia ko bukjarnipa e Romenge ” a an o Prilep kergja pe promocia šrekal o Saemi bukjake thaj kariera.
– I resarin si integracia e Romenge an o amrekti bukjake , lokalno an o Kumanovo thaj Prilep prekal progresia e target tamikeribaskere džanlipaske thaj odova fasade, gips, pvc montaža thaj keriba buti an o duvaria – vakergja i Aleksandra Savevska , proekt koordinatori taro “Habidat – Makedonia”.
– Ko notirime persone so džanen len isi rodaripa thaj kamen te keren buti. Ka vakerav kaj biš džene si čače rodime an o Kumanovo thaj Prilep te khuven an i buti – vakergja o Risto Ivanov.
O proekto si finansirime tari Europakiri Unia a implementirinela la i “Habidat – Kumanovo” an i konekcia e nagovermenteskere organizaciencar ” DROM -Kumanovo thaj i ” Kreacia” taro Skopje. Akana ka dikhel pe o interesiu e tamikeribaskere kompanienge si len li stereotipia jali na ko diab butu e romane populaciake.
