Te ovel pe pretpriemači si phareste, numa panda majphareste te ove Romani džuvli pretpriemači akcentirinela i Pava Novakov Čabrilovski, so sar pretpriemači kerel buti ko agorutne 10 berša.
-Ko plo drumo premal o sukceso marav man sine buteder pretrasude thaj sine diferentno barikade – vakerel piri storia akaja diplomirimi ekonomistka.
– Majimportantno miri rolja si sar korkoro daj e čhavenge so sium but garvasiali sar miro bukjarno sukceso da – vakerel i Pava.
I firma “Pava plus” so si fundirime an o 2007 berš kerel buti sar firma baši higiena kote ko momenti si la 11 bukjarne kotar 6 si Romane džuvlja.
I Slagjana Vasić tari firma ” Novateks SV” lerel buti artikliriba šeja thaj bikiniba šea thaj si registririmi an o oktomvri 2014 berš suportoa taro themakere subvencie.
Ko momenti isi la jekh bukjarni so sivela , a korkoro kerel buti an i dukjana bikinibaske an o kraljevo, kerel kolaboracia firmencar so bikinen ko baro, a ko sig vakti planirinela te pharvel piri dukjana an o Kraguevac.
Artiklirinela thaj bikinela šeja tiknenge thaj barenge thaj sar so vakerel dži akana na sine la bare problemia ki piri buti.
