Taro sako drom kamel sine tromalipa. o giljavutni thaj tančarka Malika Eminović, jali majpendžardi sar Koštana taro lil taro Bora Stanković sine sar sa okola šuže čhija so valjani te ovel la šužipa, numa na sine la lokho dživdipa.
Akaja si olakiri storia.Ko akava čhani o Bora Stanković (1876-1927) ilustriringja e majšužiј maškar o majšuže čhija taro utar e Srbiake , oleskiri inspiracia an i pendžarutno drama “Koštana”, romani šuži čhaj tate rateskiri tari Vranjska Banka. -Malika Eminović, so jekhutni arakhli fotografija si angleder te merel fotografiringje la i Helena King thaj Vida Metenson , so keren sine buti an i Amerikakoro ofiso bašo čorole čhave an o Vranje.
Sa okola so nadžanena sine , i Koštana sine realnost thaj ko sa o meane so sine pherde manglipaja thaj dahaneskere čuroa ko agor e IX thaj starti e XX vekoske “delinkerel len ” sine savoren e muršen so avena sine ko odola thana.
Savore džanena sine thaj sine pendžardo sebepi so akale džuvljake but barvale gazdia thaj čorbadžie bikinen sine piro barvalipe, khera, mukhen sine pe romnjen thaj čhaven. Olake na sine sa jekh thaj okola so si sar stabilno manuša , thaj baro si o numero so našavgje sasto barvalipe olake.
Isi duj verzie soske i Malika sine anavkerdi sar -Koštana. Aso o jekhto vakeriba sine la krupno lačhe jakha sar ki srna, a so javer vakerin sine aso o anav e kašteskoro so sine len koštania thaj sine an i Varnjska Banka but asavke kašta thaj odoleske anvakergje la aso o Koštani.
Youtube: https://www.youtube.com/watch?time_continue=2&v=t0qoPLSQv0U
