I Liljana Petrovič – Buttler sine jekh taro majpendžarde thaj majbare giljavutne anava e romane muzikake ko akala thana so reslja thaj lumiakoro baripa. Olate anavkergje la sar “Daj e romane ileske”
Ko purano vakti sine majšukar an i estrada . Ko periodo kana i ex Jugoslavija hulavela pe sine oj pire čhavencar geli ki Germania.
Te šaj te ovel la dživdipaske oj giljavel sine an o bijava, numa džanel sine te ovel da higieničarka an o toaletia te šaj te ovel la love. Odova snimingja thaj o BBC bašo olakoro dokumentarno filmi.
– Užarav sine em toaletia. Ko vakti e maribaske sine mange but phareste. Sine man resarin jali ka legarav i viktoria em mande ki mangin e giljake jali ka propera savore. Na ladžava sine em kerav sine buti, vakerel sine phravde i Liljana.
Palo nekobor berša nakhle sar anonimno persona o producento Dragan Šestić arakhlja la ko Dizeldorf thaj kergja te sniminel albumi producentnsko khereske tari Holandia. I kariera tari Liljana palem uštili thaj sine la but koncertia ko hale an i sasti Europa.
Sar so vakerel sine odova sine lake sar dujto starti an i kariera.
Numa bibahtake palo tikno numa pharo nasvalipa taro kancero i Liljana Petrović – Buttler muli an o hospitalo an o Amsterdam ko 26 aprilo 2010 berš ko 66 berša đivdipa.
Youtube: https://www.youtube.com/watch?v=Y-zv6BDoYic
