E čehiakoro opozicionersko lideri Tomio Okamura akhargja e Čehon te phiraven pire balen anglal o džamie thaj te bojkotirinen o kebapi sar nota mujal o baro nivelo muslimania an i olengiri them.
Ov dela propozalo ko bojkot e muslimansko kompanienge thaj olakere gazdia.
“Sako kindo kebapi finansirinela panda jekh hidžab” vakerel ov.
„Sar šaj tumari romni hala kana legarela hidžab ko muj?” pučela ov.
Ko nakhlo periodi o Okamura pobuter droma vakergja kaj nane ksenofobi trujal oleskere kontravezno notacie mujal o Roma thaj o strancia an i Češka. Ov buteder droma bičhavgja apelia te na den suporto e čehiakere političarenge so den lafi te lačharen e dživdipaskere standardeske ko imigrantia.
O Okamura bašo iDnes.cz vakergja kaj o teskti na kerel motivo baši provokacia thaj natolerancia. Ov nekobor droma vakergja kaj o strancia so ka našaven pire bukjarne thana an i Čehia ka trubul te iranen pe ko pire thema.
Ko jekh o Okamura si pendžardo prekal piri anti -romani retorika. Ov vakergja kaj o nekanutno konc logoro Leti an i Utarali Čehia kote sine likvidirime buteder šel Roma sine konc logori bukjake e nabukjarne naciake.
