Avdive olengoro numero an o Montenegro aso i statistikani operacia taro 2011 berš legarela 6.215 Roma. Salde an i šerutni diz Podgorica olengoro numero si paše 4.000 Roma.
O avgo aviba e Romenge an i teritoria ki avdisutno Montenegro datirinena taro XIV šelberšipa, kana ko vakti tari Mletačko republika resle an o montenegroskiri kinara tari utarali Italia thaj Grcia sar robia.
Olengoro thanjariba konektirinel pe thaj avipaja e Osmanliencar. Notirime si kaj o Roma si istemalkerde sar bukjarno takati an o Herceg Novi an o 1508 berš. Kana o Bar thaj Ulcinj sine okupirime taro Osmanlie an o 1571 berš o ulcinsko gusaria kinen sine e Romen sar robia an o Tripoli thaj sar robia anen pe sine ko Ulcinj kote so bikinen pe sine.
O Osmanlie istemalkeren sine sar zanaetčie so sine thanjarde ko mahale. Soske jekh grupa hulavel pe sine sar lačhe kovačia odoja grupa si hulavdi sar -Kovačia (tipično e dizjenge Bar, Ulcinj thaj Podgorica)
Diferencijaja taro Roma-kovačia, o aver Roma – nomadia an i utarslovensko teritoria aven ko XVI šelberšipa, a an o Montenegro aven em ačhona taro 1912 berš.
