I nostalgia pala i germansko marka so si panda an i Germania , kergja motivi ko jekh lanco supermarketia te iranel la ki funkcia akaja valuta. O marketia taro Kauflandko periodi taro 4 dži ko 20 januari o mušterie ka šaj te pukjinen ko nekanutne germansko marke.
I resarin e supermarketeskiri si te del panda jekh drom šansa e manušenge te šaj “den ” akala purane valute te šaj pazarinen ki nekanutni olengiri valuta
Ko vakti kana alo o euro ko 2002 berš o germansko desničaria akharen te iranel pe i marka. Tikne vakteske ake akava supermarketi kerel odoja mangin
Taro 4 januari dži ko agor e masekoske sako ko ka kinel ko odola supermarketia ka šaj te pukjinel e purane valutaja thaj te hardžinel sa odola marke so alhilo len prekal o kursi 1.95 marke bašo 1 euro.
I nostalgia te ovel panda pobari , o supermarketi kerel majbaro kotor taro artikloja te oven pakujme sar okola ko vakti tari Paščimali Germania ko 60-to berša
