O Roma tari diz Šamplon , ko pašipa taro Pariz šersi berš parungje e tikne romane bebe an o pašipa e dizjake Visiu, soske e dizjakoro šerutno taro Šamplon na dengja dekreti te parunel pe ko lokalno limoria, palo dende kritike sebepi diskriminacia kote ov palo odova negiringja.
Paše 200 manuša, paše familia, amala thaj aver dizutne taro Visau, ale ko paruniba a oficialno membro taro franciakoro govermento notiringja kaj ka chidel akti sine li ko Šamplinon diskriminacia jali na upral o Roma. E dizjakoro šerutno tari Šamplon , dur 23 km taro Pariz. Kristijan Leklerk , demantiringja akala informacie kaj na dengje dekreti parunibaske e bebeske so mulo an o hospitali.
O Lklerk akcentirinel kaj kerel pe lafi si bihaljovipa lafencar kaj “o limoria isi le parcele, numa prioriteti isi okolen so pukjinen danok”. Ov notirinel kaj oleskere lafia sine ikavde ” taro konteksti” thaj sine “viktimi tari nalačhi interpretacia”. O jeria e mule bebeskoro so dživdinen ko romano kampi ko pašipa e dizjake e bebe identifikujngje ole sar Maria Frančeska, biami 14 oktomvri 2014 a muli ko 26 dekemvri 2014 berš.
E dizjakoro šerutno e avere dizjake Visua Rišar Tringie , mukhlja o tikno bebe te parunel pe ki oleskiri diz. I romani populacia na i Francia gejnel 20.000 Roma.
