Angleder i Finska so o pilot proekti ka testirinel ole ko 2017 berš, o Švajcarcia bašo šov masek ko referendumi ka anen decizia, si li ola akaleske tari bahan sako baro, dizutno bukjarno jali na tari them te lel fundavno fiksno masekoskere love. O bahani si i plata te ovel 2.500 švajcariakere frankia, a o penzioneria thaj o čhave te len pohari. I Švajcaria šaj te ovel avgo them an i lumia so pe dizutnenge ka del plata bizi diferenca dali ov kerel buti jali na.
I idea akaleske si o dizutne te iranen pli sama pobut so interesirinel olen, ko than te oven okupirime sar te ikeren ple fundavno finansiko zaruripa sar so si hajbe, komunalie thaj aver. Akale ideaja legarel pe thaj o Govermenti an i Finska kote havljarel kaj ka den ekstra love 800 eura. Ki Finska o pilot proekti ka startujnel ko 2017 berš. Numa oficialno asvako proekti startujngje o Holangjania an i diz Utreht
