O Santa Klaus si pendžardo phuro so avel an i rakj taro Nevo berš thaj anel e čhavenge šukar bakšiši te sine lačhe, thaj mukhel angar okole čhavenge so sine bilačhe ko berš. Pendžardo si prekal o lole – parne šea, parni čhor, thaj o irvasia so legaren i sanka, pherdi bakšišencar thaj o tikne elfia so si bukjarne ki oleskiri fabrika thaj oleskere asistentia.
Kana bajrovajao čačipa si aver. O Santa Klausi si fantazia! O bakšišia telal e nevebršeskoro kašt si taro amare jeria! Pa odova si salde hovavin, so amare jeria keren sine te šaj te ova gogjaver o sasto berš.
Epa, bare thaj tikne čhavoralen ka lipara kelj inreresno momenti – fakti, kote ka džagavgjovel e Krečuneskere divesa so anel i bahta akava phuro manuš.
Ov ko nesavo purano vakti čače sine!
Čačipa si. O Santa Klausi si jekh anglei navkerdo sar St.Nikolas tari diz Mira , so avdive si ki Turkia. Dživdinel sine ko trinto veko tari akaja era thaj sine pendžardo odolea so sine but humano premal o čhave. But droma e čorole čhavenge ov del sine len kondure, love, hajbe ki rakj.
Trujal so o St.Nikolas dživdinel sine angleder but berša, ov si Santa Klaus salde 200 berša. I holandsko tradicia ikerel o St.Nikolas si dživdo prekal o paramisia anavea Sinterklass. Ov ko olengere paramisia sine khangirakoro legarutno so džal sine taro kher ko kher thaj anel sine e čhavenge bakšiši ki rakj taro 5 dekemvri.
O anglisko anav “Santa Claus” avgo drom kergja pše ko 1773 berš ko magazini an o New York. Palo odova ko 1822 berš an i gili taro Klement Mur anavkerdi sar “I vizita taro St.Nikolas”, jali pendžardi sar “Sine rakj anglal o Krečuno”, kana o Santa Klaus avgo drom “uklilo” ki magično sanka, legardi taro irvasia thaj pherdo kono khelibaskere artiklia thaj ko jekh šuvlilo. I idea bašo oleste ačhili thaj ko 19 veko numa ko agor e vekoske o agorutne detalia ilustriringja olen i paramis prekal i kompania “Coca Cola” thaj o ilustratori Hadon Sandblom, so kergja kožno čizme, lole šea, parno krzno standardia so panda ikeren te ove pendžardo o Santa Klausi.
Nekobor interesno fakti bašo Nevo Berš thaj Krečuno
O nevo berš si majpurano barodive thaj ov kerel pe sine ko antički Vavilon angleder 4000 berša. O avgo veštačko krečuneskere kašta kerde si taro germancia, a sine kerdi tari ikavde perduvia – phora tari papin, a dekoracia sine i phabaj. Ki Amerika o Krečuno oficialno sine notirime sar barodive ko 26 juni 1870 berš.
Keriba galama, thaj pirotehnikane artiklia ko vakti kana ustavalkerel pe pakjala pe kaj avel taro antičko vaktia, kote pakjala pe sine kana ka ovel galama thaj i jag sa o bilačhe bukja ka džan thaj ka avel i baht
