Akala divesa an o Beograd ki vizita reslja i pendžarutni holivudsko akterka i Demi Mur. Oj ko vakti e visitake manglja te dikhel o rakjakoro parti an o Beograd thaj an o savato rakate sine ko jekh taro beogradsko splavia. Olate primingja thaj giljavgja lake o Toma Panters.
–Sine čače but lačheste em sium sine pozitivno hošime so jekh asavki pendžardi persoona mangel sine te lošarel. Oj khelel sine saste vakti kana giljavav sine o romane gilja – vakerel o Toma.
Ov akcentiringja kote majbut sine lošali ko gilja “Barbara” thaj ” Gelham dade dur dureste” Oj an o akala gilja rodel sine buteder droma te bašaven pe lake. Ov vakerel kaj gelo uzal olate thaj vakergja lake kaj late isi la romano rat. Oj ko jekh pilja em rakija.
– Kana gelipeske sine but lošali thaj vakergja kaj nakhlja peske but lačheste – vakerl o Toma Panters . Ov ko jekh vakergja kaj nane le fotografija olaja soske angleder sine notirime ma te ovel fotigrafiriba olaja.
