O gunoj si baro ekološko problemi. Ko beršeskoro nivelo o khera frdena paše 800.000 tonia gunoj, a salde ko Skopje 250.000 toni
Paše 25% taro khera nane astarde an o sistemo khediba gunoj. I situacia ko deponie si bilačhi – taro 54 deponie salde i “Drisla” pherel o minimalno standardia. Tikne si o procenke tari primarno selekcija, reciklaža thaj aver forme ki reciklaža.
An i sasti situacia majefektivno selektoria si o naformalno reviklatoria. Ola kheden paše 80% taro ambalažno gunoj an i Makedonia thaj trubul olengiri konekcia an o fromalno suportimo sistemo te arakhel pe majlačho kavliteto e dživdipaske prekal butui, sastipaskoro thaj socialno siguriteto , edukacia e čhavenge thaj siguriteto an i buti.
Diferencijaja taro majbarvale thema an i Makedonia nane forma olengere oficialno organiziribaske.
„O naformalno recikaltoria si bizo startno love, selektirinen taro than kote anglutne na sine selektirimo gunoj baro numero nane len šartia bašo transporto, direktno taro kante kheden, džana phirindoj e ambalažaja kilometrencar. Trujal sa akava ola si o majšukar selektoria.
Numa isi relano problemia so trubul te eliminirinel pe akala fenomenia. soske kerel pe lafi bašo manuša so si len tikni edukacia.
„Odoleske trubul neko avrijaldan te del suporto olenge. Amen prekal rodaripa sikavaja trin modelia – koperacia, javno -privatno partnerstvo prekal socialno kompania te šaj organizirinen pe thaj NGO ” vakerel o izvršno direktori tari “Ajde Makedonia”
