O Saša Popović vakergja kobor čače len love o giljavutne tari Grand Produkcia aso o kerde kontraktia.
Ov nekobor srpsko mediumenge vakerel kobor čače len honoraria o eksluzivcija tari Grand Produkcia.
– O Kontraktia majodorig phanen pe ko enja berša odole diferencijaja so ko avgo berš o hulaviba e lovenge si 50:50, a taro dujto berš odova si 70% e giljavutnenge – vakerela ov.
Ko jekh o Popović vakerel kaj nane holame ni jekhe giljavutneske so gelo peske taro “Grand” konektiribaja odothe e Milan Stanković, Dara Bubamara, Tanja Savić jali Jadranka Bajraktarević thaj vakerel kote olenge sako drom o udar si lenge phravdo ked mangen te aven.
Ov vakergja kote majrodime giljavutne tari “Grand Produkcia” si i Milica Pavlović thaj Aleksandra Prijović.
