Ko reoni e dizjake Zrenjanin isi trin romane mahale.. majpurani olendar si i romani mahala Dudari kote o roma ko majbaro numero si muslimania, thaj dživdinen ko phare šartia. Numa palem majbaro kotor taro čhave džana an i škola.
“I mahala Dudara si bizo urbanistikano plano thaj infrastruktura spske nane ni dromia, ni trotoaria ni asfalto ni kanalizacia. Si vodovod jali češme an o avlina, elektrikani energia thaj nekobor kontejneria so kheden o gunoj. Ko jekh olengere pašipaske si i len Begej kote frdena o gunoj , a ko jekh an i mahala isi pherdo kandoja so niko sistemski na kerel eliminacia olenge taro socialno centari.
I romani mahalka ki surduličko mahala si jekh tipo mahala thaj akate isi buteder našutne taro Kosovo.
“Akate majbaro procenti si Roma muslimania , a isi thaj paše 20% Banatsko Roma – hristiania. Ola si lačhe integririme maškar peste, thaj majbaro kotor taro čhave džana an o škole ” vakeren taro socialno centaro.
I mahala si an i periferia e dizjake thaj nane urbanizirimi. Angleder 11 berša agorkergja o keriba drumo thaj trotoaria numa kanalizacia panda nane.
Isi vodovod sar so si avlinakere češme numa majbut si nalegalno phanle e elektrikaja.
I mahala si hulavdi kanalea taro purano Begej so si thaj sar kanalizacia. majbaro problemi si o khandoa so khuvena an o khera.
I trinto romani mahala si locirimi an o Bosansko drom thaj odothe majbut dživdinena banatsko Roma. I forma si jekh a jekh sar o anglutne duj mahale numa pohari infrastrukturno problemencar.
Link: http://www.zrenjaninski.com/romska-naselja-u-gradu-reka-kao-kanalizacija-pacovi-po-kucama/
