O Manu o čhavo taro Vivasvat sar than dživdipaske lelja jekh korkoro than an o pašipa e plainake. Jekh javin kana thovel sine pire vasta sar so avdive da kerena , ko pani solea thovel sine pe vasta sine tikno mačho so vakergja oleske: ” Te arakhljan man, me ka kerav tuke šukaripa”. ” Sar ka kere mange šukaripa?” pučlja o Manu.
O tikno mačho vakergja: ” Ka ovel armagedon -bare panja bašo sa so si dživdo an i phuv. Odolestar ka kurtalinav tut. “A sar šaj me te kurtalinav tut”
Ko odova oj ka vakerel: ” Amenge e mačhenge kana siem tikne sar so akana me sium, šaj te mera. Jekh mačho hala avere mačhe. Tu majanglal le man arakhman ko desavo than. rande jekh than mačhenge thaj legar man odori. Kana ka bajrovav legar man ko okeano mukh man tegani na darav taro meriba.”
O Manu kerda odova. Palo odova o mačho barilo šingea – Džaha, majbaro mačho taro savore. kana o Manu mukhlja le ko pani o mačho vakergja: ” Odova thaj odova berš ka ovel aramgedon. Tu ker araka thaj udđar man. Kana ka ovel o armagedon ukli an i arka thaj me ka kurtalinav tut”.
Odova berš so vakergja leske o mačho , o Manu kergja arka. kana ulo o armagedon ujlilo ki arka thaj o mačho avilo dži oleste. Barabutno uklile thaj o efta gogjaver devleskere manuša o čhave taro Angiras. Šunibaja o rpopozalia taro mačho, o Manu lela pea seme taro sa o čajra thaj kašta. palo odova sidžimea phanlja i arka ko šing e mačeske thaj but sig džal sine o malho prekl o baro pani so pe jakhencar na dikljola sine o riga e lumiake thaj salde pani sine. O Manu, o afeta gogjaver manuša thaj o mačho sine jekhutne dživde ko odova panjalo haoso. O bare bavlala frdena sine i arka ko sa origa. O mačho džal sine ko odola bare panja thaj majpalal angja i arka ko uče plaina taro Himalai. tegani ov e Manusek vakergja: ” Ake me krutalingjum tutAkana phan i arka ko kašt . Numa iran i sama ma te legarel tut o pani. Mukh tut po zala prekal i traga e panjeskiri. O Manu šungja e mačjengere lafia. Od tegani odola thana ko akala Plaine akharen pe sar Manueskiri Plain.
O armagedon legargja sa so sine dživde. jekhutne o Manu ačhilo te kerel o manušikano dživdipa an i phuv.
