An i Makedonia o manuša so keren ko aeroplaneskoro transporto si len majuče plate thaj olemgiri plata resel 58.201 denari – 950 eura.
Palo olemde si okola taro sektori kompjutersko programiriba 55.468 denari – 900 eura, trinto si o telekomunikacie 55.366 denaria – paše 900 eura, Majtele an i lista si finasisko biznisi 41.013 paše 700 eura, siguriteto, resiguriteto thaj penziakere fondia – 38.277 denaria jali paše 650 eura.
Majtikne plate len o manuša an o kinobikiniba, industria artikliribaske, agrari thaj aver sektoria so beršencar napalal nane but lačhe pukjime.
E themakoro ofiso baši statistika havlajrel kaj o plate an o april 2017 berš aso odova masek ko anglutno berš barile bašo 1.4%.
Prosek plata an i Makedonia si 22.672 denaria jali hari pobuter taro 350 eura.Taro bukajrne an i them 0.9% ačhile bizi piri plata ko masek april.
