O Valter Ismailović (43) taro Niš , žurnalisto thaj aktivisti an o niško NGO “Ponos” mulo an o policiakoro stasioni Crven Krst, trin saatia palo o mariba an i romani mahala Stočni trg kote sine khuvdo.
Liparibaske:
O incidenti sp ulo ko 11.06.2015 berš kana o Ismailović e aktivistetencar taro NGO “Ponos” so sine len aktivitetia ko odova dive realizaciua e akciake te vazdel pe o gind taro edukacia ko majterne Roma.
Numa tegani alo dži ko incidenti mariba kote sine khuvdo jekhe kaštunale palkaja taro jekh manuš.
Tari policia sine vakerdo kote odova dive paše ko 20 o saati alo dži ko incidenti an i mahala Stočni trg jite than lele 6 manuša.
-Persone so lele than an o odova incidenti sine akharde an o policiakoro stasioni Crven Jrst te den vakerina an i konekcia akale incidenteske kana ko 23:00 o saati taro jekh drom jekhe personake pelo lošnipa.
Reslja medicinakiri arka kote odothe an i policiakoro stasioni sine leske dendo.
Odothe kana o doktoria mangle te džan peske taro jekh drom palem pelo muka e manušeske kote trujal i intervencia taro doktorsko timi o manuš mulo, vakeren taro policiakoro personali.
O Valter Ismailović sine lungoberšengoro žurnalisti an o “City” radio thaj RTV “Nišava”.
Sav i si i situacia palo akala duj berša? O NGO “Ponos” na funkcionirinela, a saste informacie soske mulo o Valter Ismailović panda nane.
Link: https://www.youtube.com/watch?v=ClMWGWizmdY
