O bukjrane so si top prekal leibe love majbut si ko baripa taro 40 dži ko 60 berša, murša, thaj isi len uči edukacia, keren buti an o finansie jali artikliriba thaj si menadžeria. Akava si rezultatia tari analiza ko majpukjime bukjarne an o 18 europakere thema. An i analiza taro OECD sone konektirime 10 milionia bukjarne. Havela pe kaj majpukjime bukjarne si poterne an i Ost Europa, maškar olende isi pobut džuvlja ko thema kote pobaro numero taro bukjarne si džuvlja.
70% taro majpukjime si ko baripa taro 40 thaj 59 berš, dži kote o bukjarne an i akaja phuripaskiri forma si jekvaš taro javer bukjarne. 0-85% taro majpukjime si murša. O murša so si majpukjime si 90% taro duj tema: Germania thaj Luksemburg. 80-85% taro majpukjime agorkergje uči edukacia. Jekhvaš taro majpukjime keren buti an o finansie, artikliripa jali bikinipa. 45% olendar si menadžeria jali direktoria. O majpukjime bukjarne si majterne, majbut paše 30 berša ano o Ost Europa (Čehia, Estonia, Ungaria, Polska thaj Slovakia). O džuvlja si majbaro numero maškar o majpukjimne ko thema kote majbaro than lena o džuvlja ki lista bukjarne.
Kola profesie si majpukjime an i Makedonia?
Jekhe saateske an i Makedonia prosek lela pe 2.7 euro. Akala si informacie taro Themakoro ofiso bašo 2014 berš. E themakere funkcioneria si majpukjime prekal o informacie. Ola ko prosek lena 5.4 eura ko saati. O ekspertia lena 3.8 eura ko saati a o službenikia 2.5 eura ko saati. Okola so keren hajbe, kašt, tesktil thaj koža si majhari pukjime, 1.5 eura ko saati.
