Jeria thaj 5 čhave taro Štip ačhile po droma kana idž erati ki bari jag thabilo olengoro sasto kher thaj sa so sine len andre. I avgo jag iklili rakjate kana i familia Šakiri sovena sine.
Bahtake i daj hošingja kaj isi khanig thaj ko odova momento iklile taro kher.
“Iklilem avrial dikhlem kaj tari jekh rig thabljola o kher . Lelem sig e čhaven thaj iklilem avri po drom , vakerel i Merem Šakiri.
Bibahtake i jag buvlili but siga thaj khanči taro jkher e familiake Šakiri našti sine te ikavel pe:
“O ziani si but baro thabilo faktički sa. Ni jekh pari kalcinja e čhavenge na ačjilom vakerel i Šakiri.
Ko momento i familia si an o droma. te šaj kerel pe reparacia e khereske so o terne jeria kergje trubul suporto:
” Daja apeli dži ko sa o humano manuša te den suporto te kera desavi rekonstrukcia soske ko momenti nane amen khanči. Ni čhavenge kote te soven, elektrikane aparatia, khanig del apeli o Raman Demirov.
Fakti kaj i bari jag iklili sebepi elektrika , soske o Šakiri ko odova vakti sine len konektirime an i elektrika desave elektronsko aparatia.
Savore so si len šajdipa te den suporto an o finansie šaj te keren odova so ka den love an o konto – 240177106009676 Uni Banka, an o anav Bajram Šakiri
Link: http://www.televizijastar.com
