Ko korkoro starti akale teskteske sine o pučiba te del pe li vakti thaj than akale personake – Danela Irina Hamidović Magureanu?
Numa trubul te den pe thaj majbut pučiba so akaja persona trubul te ovel časčutni-phravdi te del antvorto.
Ko sa džiakanutne FB live oj thaj olakoro vokabularo sikaven olakoro čačutno karakteri thaj muj.
Numa isi aver da momento.
Promocijaja jekhe aktekse an i Budimpešta ko juni akava ber thaj džanlipaja kaj sa odoba si jekh – maskarada , barabutne pire kompanjonencar (Jammie Sztojka, Jovan Damjanović, Bajram Haliti, Robert berger thaj avera) te šaj garaven pire čačutne aspiracie thaj džanlipaja kote odoja Konferencia, Kongreso jali Mitingo si saste -nalegitimno thaj nalegalno oj dende tesktencar hramosarde tari rig majpakjavutne taro Joja Damjanović. Bajram haliti thaj aver keren atako an o aver persone thaj organizacie so majhari keregje mujal olengere melal khelina.
Sako drom an o FB live tari rig tari Daniela Irina Hamidović ko than te sikavel čačutne mangina so ka kerel olengiri Roma World Federationa jali Lumiakiri Organizacia e Romenge taro Beograd (si li membria ki akaja jali okoja organizacia ) jali si len mangin e Stefan Palison -Koci te keren desavi IRU 1971 berš (thaj šaj si odothe da membro) ko than te sikave registracia, dali si len Statuto, savi si o plano thaj programa ko si o čačutno presidento (pobuter persone figuririnen sar lideria – presidentoa – Jammie Sztojka, Jovan damjanović. Robert berger ..)oj bičhavel daravina thaj buvlharel hohavina bašo IRU thaj olakoro presidento o Zoran Dimov.
Oj kerel odokhare bare hohavne atakia mujal o Zoran Fimov kote so leste sikavel sar “majbaro čor”.
Numa aso olakoro vokabulari sar desavo “mahalakoro odbusmano” odole hohavne fukaribaja sikavel korkoro peste savi si oj presona.
Bizo te sikavel desavo dokumento – lil, fakti bašp sa odova so oj vakerela oj phravde sikavel kaj olakoro “kalo punkto” si o Zoran Dimov thaj o IRU.
Oj asavke komunikaciaja tari olakiri rog sikavel piro čačutno muj thaj karaktero. Aso okova so decenicar napalal sa o Romane asociacie thaj organizacie keren o aktiviteto a odova si eliminacia taro romano antagonizmo, segregacie thaj kaljariba, ko than te sikaven demokratsko proceso, thaj prekal dialog thaj demokratsko kapacitetia sao faktia, dokumentia te sikavel pe ko si an o čačipa, a ko si hohavno.
Dži tegani i Daniela Irina Hamidović thaj olakere kompanjonia ka aćhon profilirime sar manuša so mangen te kaljaren, jali tipično okova romano sikaveiba hohavni percepcia- okola so dikhena ko fali.
Na sikaven nisavo fakti, dokumenti, lil numa salde buvljaren hohavina, dezinformacie thaj keren hulavipa thaj diskriminacia e romane naciake.
“Te ova bahtale te sine amen asavke Romane lideria”
Okola savore so džanen lačheste e Daniela Irina Hamidović a si tari Germania kote so oj dživdinela roden phravdo antvorto olatar: ” Čače li si la kriminalno policiakoro dosie mujal olate an i Germania”? So si la te vakerel akale momenteske?
Thaj anglal o agor okova so si majupreder notirime: ” Kaske si o faktia tikne, i čhib si lungo”
A ko jekh thaj o pučiba so den pobuter manuša so dikhen o FB profilo tari Daniela Irina Hamidović a si saste privat. Pobuter olendar džanena kaj i Daniela Irina Hamidović si naprandime – udovica, a an o statuso hramosarel “An i Prandin”
Ko jekh oj kerel promocia e Robert bergereske tari Austria -Viena sar persona so kergje barabutne i registracia thaj si manuš taro lafi! A džanel pe korkoro kote o Robert Berger del sine suporto e nacionalisteske taro Norbert Hofer em i pratia FPÖ, kote so oj korkoro angleder desavo periodo dengja bare kritike po IRU kaj olen si len kontakto e Hoferea, akana te del komentaro akale momenteske bašo o Robert Berger thaj o Norbert Hofer.
Pučimata so trubul i sasti publika te džanel thaj te del antvorto, numa čačutno!
