O Samka Ibraimovski si biame an o 27 septemvri 1954 berš . Uči edukacia agorkerela an o Universiteto “Privredno Akademia” an o Novi Sad ko fakulteti bašo menadžmenti. Ovel privatno biznismeno ko nekobor sukcesiale kompanie, kote majbaro numero taro bukjarno personali sine Roma. Bibahtalo bašo bilačho situacia taro Roma an i Makedonia počminel te ovel aktivno an i politika thaj ovel trinto presidento an i parti PCER.
Ov ovel presidento e partiake PCER ko štarto Kongreso kana resel suporto thaj pativ taro sa delegatia e partiake.
Manuš džanlipaja.
An o 2004 berš ko teganutno govermenti legardo tari koalicia SDSM si vice ministeri baši sociala thaj an i odoja funkcia ačhola dži ko 2006 berš.
Ko periodi 2006 dži ko 2008 berš iranel pe sar menadžeri an i piri kompania “Unius Is”
I funkcia direktori ko Centro bašo azilantia kerel la ko periodo 2008 dži ko 2011 berš.
Ko anglovakteskere parlamentarno alusariba an o 2011 berš ovel deputati thaj i funkcia sar deputati kerel la dži ko 2015 berš. Ko odova periodi o Samka Ibraimovski sine notirime sar majaktivno deputati an o Parlamenti so sine le majbaro numero diskusie anglal o deputatia.
Ko periodo kana sine teleperavdo o intergiteto e Romengoro kote na reslja pe javno jertisaripa, thaj reakcia taro aver Romane partie so sine tegani an o legaripa. Bibahtale pire privatno biznis interesia thaj funkcie, o aver partie na sine bibahtale e terminea “cigani” thaj na sine bibahtale so “chiden sine e Romen taro kana” kote sako dive arakhen pe sine diskriminacijaja an o simantrakere nakhibakote sine irame salde sebepi so si Roma , minjoritetengoro entiteti thaj tikno socio -ekonomikano statusi so si kerdo olendar.
Jekhutne tegani o Samka Ibraimovski na darandilo te ovel kontra e režimeske an o organiziriba nekobor protestia anglal govermenteskere institucie barabutne nekobor nadravutne dizutnencar so angje decizia te vakeren “Čhinav” e režimeske.
I personalno ideologia taro Samka Ibraimovski si jekh a jekh sar so si e partiake. Salde barabutne dživdipaja thaj maškar respekto ko diferencie an i R.Makedonia ka ovel čačutno implementatori e jekhipaske, hakoa thaj tromalipa sa etnikane jekhinenge.
