O masek Ramazan thaj o posti sar forma taro ibadeti an o Kuran-i Kerim sikavel agjaar: O masek Tamazan si maseka kana havljarel pe o Kurani so sikavel drumo e manušenge sar fakti taro čačutno drom so hulavel o čačipa taro hohavnipa. (Sura Bakara, aeti no 185)
O posti so si notirime thaj an i Sura Bakara , aeti no 183 si forma taro ibadeti solea phere te manginake – nieti odolea so ikere tut em na haja thaj piea taro sifiri dži ko Iftari.
O manuš trubul te kerel kontra pire manginenge , o strastia , o ruhi thaj te šaj ma te sikavel holi.
Sako berš o posti si 10 divesa angleder taro anglutno berš o postia, agjaar so o masek ramazan ko pašupa taro 33 berša nakhel ko sa štar beršengere vaktia.
Posti nane salde ikeriba taro ma te halpe thaj pielpe . Ka ovel načačutne salde te dikhlja pe odova aspekti. O posti si ko jekh duhovno thaj etičko edukacia, darhinali edukacia te šaj ikere ki tute o mangipa , strasti, sabri te užare manuše taro bilačhe mangina te dujrare o bilačhe gndina thaj te kere šukaripa em lačho karakteri.
O manuša an o vakti ramazaneske dena dži ko džanlipa o kolektivno maniria sar maškar dejbe suporto e čorolenge, e phurenge thaj aver. E Ramazane si le piri socialno thaj sasoitni dimenzia. O musilmania piro zekjati dena an o Ramazani. sako familia an i iftar sofra akharela po nekobor personen kote so odolea zojrakerel pe o imani, amalipa thaj phralipa.
