E Apelaciakoro kriso an o Montenegro krisingja e Saša Boret ko 8 berš phanlipa bašo iraniba e pajdžaleske (čamco) ” Mis Pat” ko avgusti 1999 berš ko panja kote so mule 35 persone.
Efta berš phanlipa si krisime o Refik Hodžić so akana si našlo, 6 berša resle Ismet Balja thaj Agim Gaši.
O Krisari tari Apelacia sebepi so na sine le faktia mukhlja e Joka Nikaljević thaj Ramadan Balja.
Ko kriseskoro akti isi kaj o Agim Gaši thaj o Ramadan em Ismet Balja dengje lafi e Romenge taro Kosovo te transportirinen len dži ki Italia bašo love.
Ola aso kriseskoro akti phanle kontrakti o Nikaljević, Boret thaj o Hodžić te arakhen pajdžali (čamco)so an i rakj maškar 15 thaj 16 abgust 1999 berš gele prekal o Jadran ko drumo premal i Italia.
Ko tikno pajdžali – ća,co “Mis Pat” uklile 70 manuša trujal so ov sine registririme bašo 6 persone thaj 2 persone taro ekipaži.
Palo nekobor saatia džajbe an o panja so legarel le sine o Hodžić ov irangja pe ko panja. Taslile 35 persone kote 13 sine identifikujme a o avera legaren pe sar našavde persone.
