O dizutne tari čačansko mahala Košutnjak kergje peticia dži ko lokalno legaripa kote roden te kerel pe referendumi so o dizutne tari akaja mahala ka vakeren si li odoleske ko olengoro pašipa te keren pe apartmansko kompleksi bašo raselime Roma so ko momenti dživdinena an i lokacia Sajmište thaj Trna.
Ola vakeren kaj nane len khanči mujal o Roma numa kerel pe lafi thaneske so trubul te ovel istemalkerdo te kerel pe ” sportsko -socialno saikerina sar so si sportsko terenia, khelibaskoro than e čhavenge thaj avera”.
O dizutne taro akava kotor taro Čačak na mangen te oven haljovde kaj ola so protestirine si mujal odova kaj na mangen Romen te oven lenge komšie.
E dizjakoro apartmansko agencia hazrkerel i dokumentacia te kerel 23 aprtmania so si e Romenge so ko momenti akana dživdinen an o Sajmište thaj ko drom Trnavska.
Naoficialno ola ka resen učharin upral o šero soske o Sajmište si locirime sar biznis zona a ko drom Trnavska ka kerel pe učo apartmansko kompleksi.
