A no socialno netvorko an i Bugaria startujngja te buvljarel pe jekh informaia maškar o bugarsko dizutne kote i Bugaria si pherdi Romencar thaj oj pohari ovela sar Romani them.
Del pe info thaj mapa kobor Roma si ko desave regionia an i Bugaria. Maškar o aver tergjol thaj akava info:
” O nabukjarne Roma dživdinen an o dumo taro Bugaria so paravrena olengere čhaven. I them so del love olenge sar parazitia. O Roma but džanle bijanibaja but čhaven keren biznisi thaj dživdinen agjaar sasto piro dživdipa”
An i informacia taro agencia “24 Časa” džan majodorig so kergje mapa e themenge kote i koncetracia taro Roma si majbari.
Olate vakerel pe: ” An i diz Kotel sako 4-to si Rom. Ani Vrbica 55.4% si Roma. Ko dizjka Antovo thaj Perušica sako 3-to si Rom. Odova procento si thaj an o Ihtaman, Magliž, Straldža, Rakitovo. Berkovica thaj aver.
Ko Plovdiv olengoro numero si 30.202 Roma kote salde an i romani mahala Stolipinovo si upreder 10.000 Roma.
Koncetracia taro Roma sisi thaj an i Stara Zagora , (24.018), Sliven (20.478), thaj Pazardžik (20.350). An o procento taro manuša an i Montana si 12.3%, Sliven 10,4%, Dobrić 8,1% thaj an i Stara Zagora, Vidin thaj Šumen o procento si 7%.
Ni Sofia thaj Kjustendil si maškar 6,2 thaj 6,9%
Aso olengiri percepcia an i Bugaria nane oficialno325.343 Roma numa uoreder 1 milioni Roma!
