Trujal so nakhle nekobor masekoa o institucie oficialno na vakergke bašo duj kontravezno meribaskere aktioa phanle manušenge – Roma ko tikno periodo: Andrias Redžepov 21 beršengoro Rom taro Šuto Orizari so mulo ko phanlipa an o Idrizovo thaj o 25 beršengoro Erdal Jusinov taro Štip so mulo ko phanlipa an o Štip, majpendžardo sar “šovto”.
O šripsko kriso Risto Bojadžievski baši Civil Media vakerel kaj na sine nesave faktia taro terori upral o Erdal Justinov so mulo ko 22 mart 2017 berš telel naklar akceptoa ko phanlipa ko Štišp salde duj masekoja palo oleskoro phanlipa. O Jusinov sine krisime 1 berš phanlipa bašo čoriba.
„Na sine faktia kaj si mardo numa odova na sikavel kaj mulo taro naturakoro meriba,. Sa dži kote na resen o rezultatia tari obdukcia ka užara sa o aver napendžarde elementia” vakerel o Bojadžiski ko lafikeriba taro 4 aprilo 2017 berš.
Ko jekh o Bojadžiski ko telefoni kergja lafi panda jekh drom numa na sine nesave neve informacie tari obdukcia soske panda nane hazri.
Ko notiriba tari paše familia taro Sustinov vakeren kaj šaj isi seriozno anomalie taro phanlibaskere ofisia thaj doktoria. Ola aso olemde na dengje le zarurutni sastipaskiri arka saste 4 saatia kana sine anglal o meriba. O Jusinov mukhlja pe romnja thaj duj tikne čhaven.
Palo nekobor divesa taro meriba taro Jusinov o Civil rodingja info akale tragično čipotake taro ofiso an o Štip numa odothar bičhavgje len an o ofiso e keribaske sankcie. odothar rodingje pe info. Ko telefonsko lafikeria odothar rodingje te bičhaven o pučiba prekal e mail. Panda nane nisavo džovapi.
O Civil taro pire informacie havgja kaj o Andreas Redžepov mulo ko phanlipa an o idrizovo taro but lende tablete aso i obdukcia o meriba ulo sar intoksikacia taro metadoni thaj benzinodiazepin numa oficialno akti nane akale informaciake. O redžepov sine phanlo 11 berš thaj 6 masekoa kinobikiba čhavencar.
O nehru redžepov dat e 21 beršengoro Redžepov so mulo ko 11 mart šatr divesa palo odiova ko 15 mart 2017 berš bašo Civil vakergja kaj si le šubikeriba kaj manuša taro ofiso si bange meribaske oleskere čhaveske. ole sine le faktia taro anonimno phanlo so vakerel kajoleste margje o komandiria. Kaj mulo oleskoro čhavo informiringje le oleskere amala taro phanlipa so si phagiba o kanoni ko vakti ma te informirinen e jerien.
I Civil media ko nakhlo peridoi na reslja te kerel kontakro e krisariea so legarel akava akti taro meria o Redžepov.
O ERRC Budimpešta si jurisdkiciakoro membrio e mule Redžepov thaj Jusinov.
Dehran Muratov.
Link: http://civilmedia.mk/smrtta-na-osudnizit-rpov-i-usinov-zaglavi-vo-instituzionalnit-lavirinti/
