O dživdipa e Romengoro ko khujbe taro Saraj si but pharo. O Roma si bibahtale soske ki mahala kote so dživdinena nane len fundavno šartia dživdipaske. I rekonstrukcia e dromeske dži ki olengiri mahala si čhinavdi anglal olengiri mahala, nane len kanalizacia thaj than kote so našti frdena o gunoi.
Lungo periodi i situacia si bizi trampa, e dizjakoro šerutno tari komuna Saraj dengja lafi kaj ka lel konsekvence te faisalkeren sa akala problemia. Jekh taro Roma so dživdinen an i akaja mahala vakerela kote ni jekh na alo an i vizita thaj te sikavel interes sar akala manuša dživdinena akate. Sebepi o gunoj so si čhudime ko sa o riga ola daran ma te nasvaljoven taro diferentno infekcisko nasvalipa.
Numa o dizutne tari akaja mahala so isi paše 50 khera sar majbaro problemi si so nane len kanalizacia.
I kanalizacia nane salde problemi e Romenge , numa thaj aver dženenge tari akaja mahala. Ola vakerena kote sa dži ko alusariba niko na dikhel olen thaj olengere problemia, a kana avena o alusariba, ple kancalarisko vordonencar oven sar taksistia. E dizjakoro šerutno e komunake Saraj o Bekim Murati vakerel kaj an o avutnipa ka investirinen ko sa o kotora tari i komuna thaj okote so ka trubul.
I romani mahala arakhel pe ko korkoro aviba e komunake Saraj. O Roma beršencar dživdinen bizo fundavno šartia dživdipaske.
You tube: https://www.youtube.com/watch?v=WVxyw_tAjG8
