I CIVIL Media an o Gostivar kergja lafi e Muhamed Toči, lungovakteskoro aktivisti an o NVO sektori , lideri an i HDZR “Mesečnia” organizacia taro Gostivar so kerel zori ki progresia e niamenge an i romani jekhin , so si stigmatizirimi thaj arakhel pe baro rizikia thaj problemia.
Olea kergja pe lafi e konkluzno rpoblemenge an i romani jekhin . ” I Romani etnikani jekhin si majteleperavdi etnikani jekhin an i Makedonia kaskere fundavno prioritetia amen akceptirinaja , a odova si – edukacia, kherutnipa, buti thaj sastipa” vakerela o Toči.
Te faisalkeren pe sa akala problemia so arakhen pe o Roma agjaar sa o jekhina an o Gostivar . O Toči vakerela kote majanglal i the m trubul te ačhol ko pire thaj palo odova an o lokalno thaj nacionalno nivelo i them trubul te percepcirinel e Romen olengere trubulipa thaj o rizikia so arakhen pe.
„Jekh drom bašo sako drom trubul te havel pe kaj o fasialkeriba akale problemenge nane te faisalkeren pe te na sine kerdi kreacia thaj implementacia e politikenge ako o Roma na oven kotor tari kreacia thaj an i implementacia e politikenge bašo Roma” akcentiringja o Toči.
Ov vakerela kaj o politike so implementirinen pe o ministeriumia an o lokalno thaj nacionalno nivelo, majbut nane sukcesuake soske nane inkoprimirime o korkoro Roma an i kreacia. Bašo impresie an i publika kaj i konekcia e romane NGO sektori si formalno, o Toči vakerela kaj šaj sa te iranel pe jekhutne ako o Roma konektirinen pe ko rpoceso an i kreacia thaj implementacia asavke politikenge.
„Ačhol i mangin taro lokalno thaj nacionalno nivelo, čačutne thaj seriozno te startujnel i implementacia e korkorutne politikenge. I them korkoro te anel decizia kamel ti te faisalkerel pe o problemia so si palal sako drom” vakerela o Toči.
Link: http://civilmedia.mk/totchi-nopchodna-inkluzia-na-romit-vo-krirato-na-politikit-za-niv/
Youtibe: https://www.youtube.com/watch?v=fLO4QqB7LCs
