O berš so 1941 berš , a jekh 40 beršeskoro germansko – hunagriakoro astrologo korpulentno thaj ekstentrično urajbaja, ovela mega popularno maškar o Amerikancia. Kerel pe lafi bašo Lui De Vol so saste prognozirinel sine o aktia an i oleskiri kolumna ” O čerenja vakerena” (Stars Foretell), so hramosarela pe ko amerikansko gazete ko odova periodo. O teksti kote sine oleskoro baripa datirinela sine taro juni 1941. Odothe ov hramosargja: ” Jekh baro asisitentno taro Hitler, so nane ni Germanco ni nacisti ka delingjovel. Odova ka ovel an i South jali Centralno Amerika, majpakjavutne ko pašipa taro Karipsko samudra.” Trin dive palo odova o amerikansko gazete havljargje kote jekh učo funkcioneri taro franciakere Paščimale Indi , admiral Džordž Robert , čače delindilo, thaj sine chidime tari odoja pozicia. Palo akava o drabarutne thaj o mediumia “delindile” palo de Vol – milionia Amerikancia udžarena sine sako oleskoro nevo lafi.
Ko aver nekobor berša ov di lendo palem sar astrologo , numa akava drom andre an i nacistikani germania. Jekh taro oelskere ” vakerina” sine kaj o Hitler ka ovel izdajme taro oleskere majpaše manuša. O hohavne čerenjenjegre konstelacii thaj horoskopia so dena sine vakerina kaj but siga ka perel o fireri so sine konektirime identično replike ko jekh germansko astrološko magazini , sdo na sine mukhlo te printinel pe taro nacistia, anavkerdo sar “Zenit”, a so sine ando an i germania tari rog taro sojuznikia prekal telalphuvjakere kanalia. I idea sine o magazini te ovel le garavde prezentirime an i germania taro germansko okultistia, kaske buteder pakjana sine an o olengoro lafi. numa o plani propelo soske o magazini sine arakhlo taro Gestapo ko pristanište Štetin.
O De Vol mulo an o 1961 berš.
Link: http://off.net.mk/bookbox/astrologot-koj-pomognal-da-se-pobedi-hitler
