O Helsinško komiteto manušikane hakoenge potencirinena kaj džal majodorig o trubunipa kontinuirimo suporti e Romenge an o olengiri sakodiveseskoro maripa e socio ekonomikane problemenge so arakhena pe , a o Roma sar integralno kotor e makedonikane sasoitnipaske trubul te oven jekh a jekh dizutne so isi len niami sar aver dozutne.
„Kamaja an o duho e notiribaske e diveseske 8 April te sikava amari bibaht e statuseske e Romenge an i them thaj olengiri kontinuirimi sistemsko diskriminacia thaj getoizacia. Majbut sime bibahtale o majneve plania so kerena pe ki maškarutni škola ” Šaip Jusuf” kote hulavgjoven saste romane paralelke taro aver maškarutne škole an o Skopje. Majaodrig o keriba bazeni ki odoja mahala thaj dejbe saste 6.000 eura te kerel pe kontra nanipa funkcionalno kanalizacia thaj panjeskoro kanalizacia an i komuna. O dizutne an i komuna majodorig arakhen pe problemea kvalitetno thaj ko vakti sastipaskiri protektiva, a anane len ni avipa dži ko o personalno ginekologo „ vakerel pe ki informacia taro helsinško komiteto.
Odothar potencirinena kaj o Romane čhave majodorig arakhena pe e sistematsko segregaciaja an o edukaciakoro procesi , soske si hulavde an o ekstra paralelke ko škole ko than te oven integririme an o ničale oficialno škole. O helsinško komiteti del majodorig aktiviteto ko dejbe suporto hakoengere aktia e Romenge thaj protektiva thaj progreso olengere hakoenge thaj tromalipa.
