Upreder biš familie pobuter taro jekh berš dživdinen an o improviyirime barake ko trujalipa e prugenge trujal o bulevari “Prvomajska” an i Komuna Šuto orizari.
Neko olendar odothe ale kana pervagje lenge o improvizirime tikne khera telal o Kale. O dizutne so dživdinen ko pašipa akale thanenege nekobor divesa kerena protestia thaj rodena dislokacia eakale familienge.
Akate ko momenti isi paše 200 Roma . Ola bešen ko primitivno barake a trujal olende isi bare gunoja.
Odothe ko barake nane leketrika , pani thaj sako nevo dive si olenge riziko te ačhon dživdie.
Sar so vakerena , nane te džan akatar sa dži kote na arakhel pe i opcia dživdipaske. Numa o dizutne tari komuna Kisela Voda so si an o paše ko improvizirime barake, rodena akala famile te dislocirinen pe a o than te udžarel pe.
Ola lungo vakti keren protestia thaj rodingje aktri tari komuna thaj mesno jekhina soske isi but melalilpa thaj bilačhi khand so buvljola.
I ekipa konstartirinela thaj i Komuna Kisela Voda. odothar vakerena kote akale problemeske si šerutni i ministerimui baši sociala thaj buti. Ola si kontaktirime numa nane konkretno antvorto te kerel pe khanig akale problemeske.
