Aso informacia an o socialno netvorko thaj FB profilia avdive sine dendi informacia kote ko 4 Aprilo 2017 berš an o than Petočno Voda ko Bairi an i Bitola bizo anglutne te ovel havljarde sine peravdo kher taro 7 dženengiri romani familia tari Bitola.
Bare policisko opservaciaja i familia sine ikavdi taro olengoro kher thaj palo odova sine peravdo o kher.
Aso nesave naoficialno informacie akava kher sine kerdo an o privatno phuv ko ploipa taro desavo učo funkcioneri thaj eks purano policiakoro bukjarno an i policia an i Bitola.
Bizi diferenca sar te ovel o čačipa i karana, sekiribaske si o fakto bizo anglutno te havljaren thaj akcijaja so anela dar ko Roma so kergje akava akti. Akana i familia bukvalno si mukhle an o droma 5 tikne čhavorencar thaj o institucie te arakhen desavo adekvatno faisali akale problemeske.
