E europakoro kriso manušikane hakoenge javljargje le sar nafundavutne rodaripoa taro notirime presidentia an o ekstremno desničarsko Nacionalno fronto (FN), Žan-Mari Le Pen. so kergja mazunipa i globa taro franciakoro kriso sebepi leskere bilačhe komentaria e Romenge.
Keribaja lafi ko nilaeskoro univerziteti oleskere partiake an o septemvri 2010 berš o le Pen khelel sine hajgara e Romencar thaj olengoro phraipa ” an i integracia”
– Amen siem sar o čiriklja , naturno urajaja, vakergja o Le Pen aludiribaja an i jekh vakerin taro jekh Rom, numa ov kergja permutacia e lafenge soske o lafi ” ujraja” an i farnaciakiri čhib si jekh sar o lafi “ćoraja”.
Grupa Roma angje kriseskoro akti mujal o Le Pen baši sasti bilačhi konotacia olengiri etnikani grupa soske ko dekemvri 2013 berš tari rig e Krisoske an i parisi sine andi globa 5.000 eura. I globa definiringja thaj o Kasicisko kriso.
O Kriso an o Strasburo notiringja i aplikacia taro Žan Mari – Le Pen si bizi funda truhal so ov vakerela kote akaja globa taro franciakoro kriso sine phagiba oleskere hakoenge ko fer krisiba thaj tromalipa ko leskoro vakeriba.
–O nacionalno krisia kergje krisiba e manušeske prekal metodologia thaj saste analize e teleperavde notiribaske kote vakeren kaj si dur te limitirinen refleksia humorea thaj forma bizp hulavdi politikani konotacia thaj mangin te kerel pe štembilo e romane jekhinake , numa ola majpakjavutne kerel hoš tari bibaht thaj naamalipa mujal akaja jekhin , notirinela o Kriso an o Strazbur.
