Ko maškar e šerutne dromeske an i mahala, posavgje duj meribaskere krstia so majpakjavutne ikavgje len taro desave limorengere thana ko dizjakere limoria an o Leskovac thaj agjaar mangle te daravkeren e Romen tari mahala Slavko Zlatanović
“Paše ko štar o časo javinate vazdingja ma zorale krle, thaj o sirene taro vordona . Deš terne manuša but bilačhe lafencar thaj akošibnaja akahren sine e Romen te ikljon taro ple khera te šaj maren pe olencar, a palo odova taro ple vordona ikavgje duj krstia posavgje len ko mašjar e šerutne dromeske thaj me darandiljum em akharfgjum e policia.
Kana i policia resela sine, o terne uklile ko ple vordona thaj našle ko napendžardo drumo” vakergja jekh romni so olakoro kher si ko pašipa kote so ulo akava incidento , a taro karane ačhili anonimno sebepi so daral sine te vakerel piro anava.
O Rominfomedia ko thavdipa e diveske nekobor droma telefonski mangle te keren kontakto e protaporelea e Policiakere ofiesa taro Leskovac sebepi akava incidenti o Boban Zdravković te resen informacia, numa ov ni vazdel sine o telefono, thaj na del sine antvorto ko hramosarde mesažia so bičhavgje olen.
