O hramorutno tari Hrvatska Nebojša Lujanović ikavgja nevo romani anavea ” Badal kolorea tari morthik” – ” Oblak boje kože”, kote kerel pe lafi bašo lungoberšeskiri diskriminacia upral o Roma.
Ki recenzia akale romaneske vakerel pe kaj akava romani kerel lafi baši i sa majbari diskriminacia upral o Roma an i sasti Europa, a sare javer naRoma odova dikhen le sar normalno situacia.
O Nebojša Lujanovič ko plo romani isi le jekh persona prekal hramosarel i diskriminacia upral o Roma. Ov khuvel ki filozofia e romane dživdipaske, marginalizacia, segregacia . Ov notirinel o bilačhipa an i neagtivno konotacia e lafeske “Cigan” tari rig e na Romenge. Ov notirinel kaj kana kerel pe lafi e Romenge, o gadže e Romen na dikhen le sar nesave javer manuša. O problemi olende si so dikhen e Romen, sar “nikaskere” manuša.
Akava lil sar so notirinel o Nebojša Lujanovič kerel lafi bašo Roma, kote premal o jakha taro javer e Romen dikhel sar nalegalno viktimia. Ov notirinel, kana si desavi bari katastrofa jali tragedia upral o Roma, i percepcia averengiri si jekh a jekh sar ki desavi bari jag, thabile, nesave rikona jali aver. nane nisavo moldipa e viktimenge.
