Angleder duj berša an o Kumanovo o Ismet Šainovski, dat e 21 beršengoro Birsan Sejfula anglal o Fundavno Kriso an o Kumanovo reagirinel sine soske oleskoro čhavo sine krisime 13 berš phanlipa bašo došperavibaskoro čoripa.
Ov vakerela kote oleskoro čhavo nane hemime e grupno čoribaske, so sine an o masek mart angleder duj berša an o sportikano aeroporto Adžitepe an o Kumanovo, kote štar persone, maškar so thaj aso o kriso em o Birsani kergje atako upral trin imigrantia taro Avganistan thaj čorgje 100 eura.
„Manuš so mudarel avere manuše na resel odokhare bari phanlipaskiri globa. Amen o Roma siem but marginalizirime , thaj me sium an o šok. Ki policia margje ole te vakerel kaj ov da kergja odova. Ola vakerena kja sine le love, a leste na sine le love ni cigarenge. Mo čhavo ko odova momenti sine an o dizjakoro kej thaj ki sportsko sala, kote isi jekh svedoko m numa o kris na akceptiringja odova momento. I deizia sine andi andre ano kriso, a amen e jerien na mukhle te khuva andre thaj te šuna” vakergja o dat e Birsaneskoro. O advokato e Birsaneskoro o Marijan Vitanovski vakergja kote akaja andi decizia e Kriseske an o Kumanovo si andi upral o fakti salde an o prependžariba.
Ov dopherelka kote an o akava akti si kerdo diskriminacia soske bašo čorde 100 eura bizo fakti upral savi persona si kerdo, krisinel pe sar te kergja mudaripa.
