An i Makedonia perel o numero nasvale tari tuberkoloza . Persi berš an i them sine registririme 267 nasvale tari tuberkoloza, so si bašo 17 džene pohari taro nevearakhle an o 2015 berš.
O Tuberkoloza an i Makedonia panda si nasvalipa e terne populaciake thaj majbaro numero olendar taro nasvale persone si maškar 25 dži ko 45 berša.
Tari Tuberkoloza nasvaljovena persone so si murša. Aso o informacie taro Lumiakiri sastipaskiri organizacia persi berš 10.4 milionia persone nasvalile tari tuberkoloza. Jekh taro majtipično simptomia tari tuberkoloza si khjniba rat thaj akava nasvalipa šaj te ovel len seriozno konsekvence te na kergja pe ko vakti tretmani. Avdive notirinel pe o Internacionalno dive Tuberkolozaja so si telal o moto: “Salde barabutne šaj keraja eliminacia e tuberkolozake – Ni jekh na tromal te ovel bisterdo”
