Pandž dženengiri delegacia e dizjake Sombor lelja than an o Smederevo ki konferencia telal o anav:” Inkluzia e Romenge – motivo thaj šansa an o lokalno nivo” kote si parafirimi deklaracia socialno inkluziake.
I situacia e Romencar an i Srbia nane ko lačho nivelo vakeren o membria e konferenciatar . O Tane Bakić 65 beršengoro Rom kerel buti an o kurko pe romnajaj, a i penzija nane leske dendi. O avutnipa e čhavengoro dikhela avri tari Srbia.
“Dena but hari 60 eura . Odolea li šaj nakhavel pe jekh masek? Nae ni elektrikake, panjeske thaj aver komunalie.” vakerel o Bakić.
I deklaracia socialno inkluziake e Romenge an o lokalno nivelo havlajrela pe konkretno konsekvence te kerel pe progresi e Romengere situaciaja na i Srbia.
“O konsekvence an o lokalno nivelo an o Sombor implementirinel pe ko kontinuiteto, a kotor olendar si e čhavenge so džan an i edukacia. Konkretno den finansiko suporto ki akomodacia ko školsko internatia” vakerel o koordinatori e Romene pučibaske o Aleksandar Radulović.
I diz Sombor si maškar biš dizja thaj komune so lele than an i akaja konferencia so organiziringja o OBSE.
Link: http://www.naslovi.net/2016-11-12/rtv/sombor-u-procesu-inkluzije-roma/19224597
Youtube: https://www.youtube.com/watch?v=S13GSw2ShhE
