Kalo si raritetno čhib, kote o manuša so keren la lafi tari generacia an i generacia tiknjola, soske o terne Roma keren lafi taro trujalipa thaj mapkar piri komunikacia istemalkeren nekobor kalo lafia. Ko momenti o numero so kerena lafi an o kalo dijalketno si paše 70.000 Roma, kote olendar si 40.000 an i Špania thaj maškar peste keren komunikacia thaj si hulavde sar špansko thaj katalonsko kalo.
An i Francia sisi paše 15.000 asvke Roma so keren komunikacia an o akava dijalekti konektiribaja thaj okola so si tari Erominčela. An i Portugalia isi paše 5.000 Roma so keren akava dijalekti taro portugalsko kalo, a ko Brasil olengoro numero si 10.000
I Kalo čhib so keren lafi o Roma taro Pirinei . Odova si miksi čhibja kote isi iberromansko gramatika thaj adstratumi taro romane lafia sar rezulati tari čhibjakiri asimilacia e romane jekhinake , a an i romani lingvistika arakhel pe thaj sar ” para-romani čhib”
O Kalo majbut istemalkerel pe sar argo , garavdi čhib kote so keren la o Roma taro Pirinei, Katalonsko, galicisko, portugalsko thaj špansko kalo so si vakrianta taro barabutne darhie.
O Špansko kalo jali špansko romani čhib majanglal sine pendžarde sar termini” Zinkalo” a o portugalsko kalo jali portugalsko romani čhib sine pendžardo sar ” Luzitansko romani”.
O Kalo si miksi čhib. O lingvistia arakhle 300 dži ko 400 vorbe so aven tari romani čhib so ko alavazari ko anketirime individialno oratoria notirime si majbut 100 asvake vorbe. O romano kotor e čhibjake avel tari čhib taro Kalderašia so majbut sar profesia sine lenge bakari thaj kalajdžie.
