O Šaban Saliu , presidento an o Demokratikane takatia e Romenge an i Makedonia -DSR vakergja kaj dikhel i sasti aktuelno politikani situacia an i R.Makedonia thaj si but holjame tari internacionalno jekhin thaj desave ambasade thaj internacionalno NGO so len aktiviteto so favorizirinen nesave politikane partie thaj etnikane jekhina thaj kerena diskriminacia e avere etnikumenge.
-Me na dav man godi kana nesavi ambasada sikavgja odokhare bari sevdža baši situacia e romane populaciake, a ko jekh si majčoroli thaj majnaeducirimi a pobaro kotor tari romani populacia so dživdinena si an o katastrofalno šartia, vakerel o Saliu.
Pv notirinel kaj i Internacioanlno jekhin thaj i ambasade an i Makedonia favoriziribaja desave jekhina so si peravde trujal i romani jekhin čhiven thaj avere etnikane jekhinen so si akate.
Aso o Saliu i R.Makedonia si them e Makedoncenge, Albanconge, Romenghe thaj aver etnikumia thaj ma te keren narealno favoriziriba thaj te arakhen o unitariteto e themake.
Ov sikavela bari gajlja so kerela o SDSM thaj o Zoran Zaev ain i perspektiva so akceptirinela desave rodaripa, drumia thaj platforme.
-Te akceptiringja pe desavi koncepcia jali rodaripa so si sar khujba e ustaveske an i R.Makedonia nane lčahe bašo unitariteto e themake. Amen savore siem bašp platforme so si jekh a jekh sa e dizutnenge an i them, bizi diferenca savo si olengoro nacionaliteto, religia thaj aver. An i R.Makedonia na dživdinen salde Makedoncia thaj Albancia numa akate isi thaj Roma, Turklie, Vlasia, Srvlie, Bošnjakia thaj avera jekhina thaj savore si themutne e R.Makedoniake. Amen siem bašo platforme so ka sikaven i multikultura thaj multietnikumi. Amen siem baši edukacia, ekonomia, agrari, thaj avera but platforme, vakergja o Saliu.
Youtube: https://www.youtube.com/watch?v=erZdUOMNAqs
