O FB statusi jekhe studentkake an kergja baer polemike an i tema trubul li te čhivel pe stop bašo mangipa devlenge an o busia tari Dizjakoro transporto an o Beograd.
Oj hulavgja jekh storia taro busi an i linia so konektirinel sine o mahale Železnik thaj Zemun a dikhel la savore okola so istemalkeren akaja buseskiri relacia.
Olakiri storia kergja bare polemike an o socialno netvorko , soske sine okola so sine baši i Romani džuvli sebepi olakiri egzistencialno situacia, bizi diferenca taro nacionaliteto jali religia, a aver sine kontra soske asavki forma aktiviteti si bilačhe, thaj mangen te stopirinel pe o mangipa devlenge an o javno thana.
Oj hramosargja: ” Avdive sium sine an o busi numero 88 kana ko busi khuvgja jekh Romani pe bebea. O šoferi phanlja o udar thaj vozingja. Palo duj sekundia, ačhilo thaj prekal o mikrofoni vakergja : ” Ko busi namukhlo si te mangel pe devlenge, ikljov avrial”. I Romani džuvli pe bebea iklili – hramosargja i studentka thaj dophergja kaj oj akava akti del suporto e špfereske , numa palo postirime posti an o Facebook sine baro numero komentari so sine holjame , numa thaj avere rigatar sine thaj komentaria so dengje la thaj suporto.
