Maškar o studentia so studirinena an o teološko fakulteto an o Beograd si thaj o Slobodan Spasojević taro Čačak, jekhutno murš čhavo e Jasminake thaj o Raša Spasojević so bizi buti thaj love keren bhuti sar argatia an o nive ko Čačak te šaj pire čhave e Slobodane te educirinen.
Me sium Rom thaj sium bahtalo odolea, vakerel o Slobodan. Čače nadžanav kotar avilo mange te educirinam man thaj te ovav hristiansko opati, numa sine man baro suporto thaj taro mle jeria em miro paroho an i Čačak. Sa odola mle ambicie šungja thaj o episkop Gopsodin Hrizostom, so ni ko jekh momento na sine len dujgodipa so sium me Rom te del piro amin , numa telel jekh šarti sar dadeske te ovav maškar o majšukar sikle an i teološko škola an o Cetinje, thaj me kergjem odova so ko mlo pandž beršengiri edukacia sium sine majšukar čhavo , thaj majšukar ko khhangirakoro giljajbe so si čače importantno.
Ko džajba majodorig an o studie odova si kaj ka ovav avgo Rom so ka uravel i mantija taro opati – svešteniko an i hristijansko khangiri. Šaj isi aver da hristijansko opati , numa šaj ladžan te vakeren kaj si Roma, so me odova nađti nisar te havav , vakerela o Slobodan.
Ko vakti tari piri edukacia na sine man nisave problemia odoleske so sium Rom, numa an i mašpkarutni škola an o Cetinje sine nekobor opatia so na sine lenge sa jekh so sium me Rom. Mle jeria akana si bare upral mande, soske ola kergje mange but te educirinav man an o Beograd.
Pakjava kaj ka ovav egzamplo aver Romane čhavenge te chiden mlo drom.
Soske savore anglal o Devel savore siem jekh thaj e Romenge da isi than an i angali tari Srpsko hristijansko khangiri.
