Paše angleder štar decenie sikavgja pe i jekhto taro šov epizode taro seriali ” Sandokan” so reslja baro popularnost an i EX Jugoslavia . O italiancia planirinena palem te khedel i ekipa.
Okola so si biame an o agor taro 60-to berša thaj starti e 70-to beršenge so akana si bare sine pire čhavorispaskere heroia.
I seria “Sadokan” si kerdo an i italiansko-germansko-britansko koprodukcia thaj avgo drom sine mukhle an i programa e italiansko televiziake RAI an o 1976 berš. O khelina an o avlina čhinavena pe kana ka šunel pe sine o starti e giljake taro seriali : ” Sandokan, Sandokan, giallo il sole la forza mi dà…”.
Normalno palo odova sar so ka nakhel sine i epizoda sare manga sine te ova Sandokan, numa valjani sine te phanel pe ko ka ovel o Sandokan , numa odova procesi sine but lungo thaj trubul sine baro kompromiso so sako na sine hazri te kerel le.
O Roma sar bare fania akale popularno kulturake sikavgje piro respekto akale italiansko serialeske. Baro numero e čhavenge an i Jugoslavia den sine o amala – Sandokan.
I rolja taro Sandokan khelel sine e indiakoro artisto Kabir Bedi (kote so sa o dija mangena sine le) , a oleskiri partnerka sine i lejdi Marijana , so khelel sine i franciakiri artistka Kerol Andre so akana isi la 62 berša.
Link : https://www.youtube.com/watch?v=pM5o629b59I
