I Inicijativa ” Savore mujal o EVN” an o 24 vefruari an o 13 o saati havljarde si protestia an o Skopje so ka chidel tari “Čairčanka” . Roden te konektirinen pe olencar o Čair, Šutka, Serava, Gazi Baba, Dižonska, Topaansko Pole, Vizbegovo thaj sa aver thana an o Skopje.
Trujal taro rodaripa an o “Savore mujal o EVN” si te na čhivel pe e dizutnenge 33,33% vash angažirimo zoralipa. Palo odova o saatia te oven bilovengoro – o dizutne ma te pukjinen kana trampinen o saatia bizi diferenca upral savi funda trampinen pe, numa odova te ovel tari rog e EVN Makedonia.
„Te kosen borčia jali majbaro kotor olendar sakone dizutneske a ekstra okola so si socialna kategoria . Te šaj olengoro borči te ovel irame an o majbut rate , bizi kamata , notarsko jali o izvršitelia ma te pukjinen numa salde o fundavno borči. Te arakhel pe faisali o borčia tari socialno kategoria dizutne an i konekcia e komunencar thaj themaja akale problematikake.
Te tiknjarel pe i moldi e strujakiri aso o standardi an i Republika Makedonia ” si an o rodaripa tari inicijativa so bičhavgja vaktavin prekal FB.
„O fakture te den pe thaj an i albanikani čhib thaj avera čhibja ko athinalipa taro klienti. O neve trafostasionia te oven an o tereto taro EVN a na ko dumo taro klientia.
O saatia ma te čhiven pe ko droma soske e klienten nane len nisavi kontrola kobor hardžinena thaj dali nekoj čorela len faktea kote i korkoro kompania šaj te kerel manipulacie a o klienti ma te džanel thaj dikhel. O netvorko te ovel kerdo aso europakere standardia ko zoralipa e strujake te ovel 230 voltia (+ – 5 volti). I esapin te kerel pe kobor si hradžime taro avgo dži ko agorutno dive. O fakture ‘paušal so si kerde aso aparatia te čhinaven pe saste , odova masek te kontrolirinel pe o saati tari riog taro personali taro EVN barabutne e klienteae električno energiake ko odova saati.
O personali taro EVN te kergje desave manipulacie e saatea te oven globime thaj te kerel pe kriseskoro akti thaj sa okova so lelja sar falsifikati kana sine an o EVN te konfiksujnen pe olestar” vakeren tari inicijativa “Savore mujal o EVN”
