Inspektoria taro UJP kontrolirinen o finasisko butikeriba taro NGO KHAM. Duj e masekonge dujto drom aven i inspekcia , numa akana dikhen o butikeriba bašo 5 berša napalal. Baši NGO KHAM akaja forma si sar presia thaj mangin te devalvirinel pe i organizacia so si jekh taro majbare an o purab e themake thaj si aktivno 18 berša.
O inspektori si korektno, profesionalno thaj kerel okova so si dendo leske sar obligacia te rodel o dokumentia thaj šukar si te ovel inspekcia thaj te vakeren kote si amen feleri, numa trubul te vakerav kote asavki forma presia blokirinela amro butikeriba, soske ko akava periodi keraja raportia premal amare donoria thaj kerjaa finalno raporto vash o finansie, vakerel o Zekir Abdulov, direktori an o NGO KHAM.
Akava so ovel akate , si ko jekh so ovela thaj aver 20 NGO organizaciencar an i them so arakhle pe an o targeti tari “desorosoizacia”.
Okova so si vakerdo taro desave NGO , o SOS so si kontra e civilno sektorea amen ka da krisekere aktia soske amen taro SOSOS si amen salde 20% taro dende love, majbaro procento si love tari EU, thaj o Govermento majabre love si lendo taro SOROS, vakerel o Zekir Abdulov, o direktori taro NGO KHAM.
Akaja NGO kerel aktiviteto an o vazdiba o nievlo tari edukacia e romane jekhinake . thaj lačhariba olengere socioekonomsko situaciake, thaj aver marginalizirime jekhina an i them so si len anagažirime 29 džene.
Amende keren buti 29 džene, kote 13 olendar si pukjime bukjarne kativiteta, a o aver so kontraktea baši limitirimi buti thaj pukjinen personalno danok, a isi amen thaj 150 aktivistia so resena prihodia vakergja o Zekir Abdulov direktori an o NGO KHAM.
Taro KHAM vakeren kaj asavki presia avgo drom ovela so nane la aktiviteti jekhe drumoa thaj anen kerdi ko vakti alusaribaske. Aso olende jekhutno ” bezeh” so nane protektiva taro institucie e romane jekhinake ko vakti alusaribaskere kampanjenge, thaj i organizacia kerel sine buti an o politikano zojrakeriba thaj edukacia e romane jekhinake thaj olengiri protektiva.
Link: https://www.youtube.com/watch?v=jBJUzaAE7eU
