Ko avgo dive taro krisiba an i konekcia sar si kerdo o mudraipa upral 39 beršengoro kosovakoro Rom Nedjip Mustafa, angja buteder dileme thaj napendžarde momentia an i konekcia e trin krisime manuša bašo akava mudaripa dat thaj duj čhave so ulo an o agor e 2013 beršeske thaj kontradiktorno vakerina šubikeribaja maškar peste.
O kosovsko Rom Nedjip Mustafa sine mudardo anglal po kher ko 30 dekemvri 2013 berš an o drom Klaj Begstrit an o Sint-Niklas Ov sine phajrardo an o šero nekobor phajaribaja.
O Arbem S. (34) sine egzekutori, oleskoro phral o Faton S. (25) sine šoferi. Odova dive ola ale an o Sint Niklas thaj dikhle e Nedjip thaj ačhile e vordonea. O Arben iklilo thaj počmingja te phajrarel. Palo odova irangja pe an o vrodon thaj majsig našle.
O dat o Fazli S. (61) sine notirime sar šerutno organizatori akale mudaripaske.
O trin krisime sine buvleste reaspučle taro kriso an o Dendermonde. O motivo mudaripaske sine vakerdo kote sine len anglutne čhingara thjaj garazo maškar akala duj familie. Tegani i jekh rig angja decizia te perel rat. O motivo sine kana i phen akana taro mudardo Nedjip sine anglutne an i prandin jekeh taro o čhave taro Fazli S. “Trujal so sine andi decizia te čhinavgjol akaja prandin me čhavea, odova našti sine te ovel soske me dengjum but love adale bojrake ” vakerela o Fazli S. anglal o krisaria.
Saste nalogično argumento sine akava e krisarenge. Niko našti sine te havel o motivi mudaripaske ko vakti e krisibaske. Ola maškar peste došakeren pe sine jekh averea. Ko kingja o revolvero, ko kaske dengja le, ko pladingja o vordon, ko sine šerutno organizatoro e mudraipaske taro Nedjip thaj sa sine konfuzno. Plao odova sar svedokia iklile thaj i paše familia. I decizia ka anel pe bašo nekobor kurkesa.
