Aso o neve kanonia iraniba imoto ko vakti taro komunizmo buteder an i Romania ačhile bizo pire khera.
Ko nakhel berša paše 50.000 Romancia si bizo khera soske o kanonikane aktia lende si lendar ko vakti taro komunizmo. Baro numero olendar si thaj Roma.
Jekh grupa taro manuša an o Bukurešt na mangel te del pe lokheste bizo kriso. Pandž berđa odoja familia pukjinel sine apartmaneskere rente thaj dživdinen sine ko duj khera akana kote si sar kamibe thaj an o drom si paše 8 masekoa.
“Amen pakajaj kaj trubul o khera te iranen pe e purane gazdenge, numa amen so te kera? Te ačhova po droma? Si li odova jekhutni opcia? pučena o dizutne taro Bukurešt taro romano nacionaliteto,. a aver vakerela:” Nane amen takati. Šudro si. Mudarel amen i šil, o iv thaj o biršim- So kerena o govermento?
Odola Roma akana si kolaterano zijani e romansko kanonege kote aso olende o privat so i them lelja ko vakti taro komunizmo trubul te iranel e gazdenge.
Aso i teoria , o stanaria na troman te oven frdime an o drom sa dži kote na arakhel pe alternativno akomodacia am i praktika, numa paše 50.000 manuša si an o droma.
“O Governo trubul te vakerel kaj isi problemo. Trubul organizacia thaj mitingoa te diskutirinel pe thaj te den pe konkretno propozalia” vakeren o institucie manušikane hakoenge.
Tari diz vakerena kaj ola ka dikhen i sasti situacia thaj ka roden o socialno statusi e dizutnengoro ka keren analiza an i abri dokumentacia thaj ka dikhen savo faisali ka anane. I presia si majodorig but bari.
Link: http://balkans.aljazeera.net/vijesti/rumunskim-romima-ne-vracaju-imovinu
You tube: https://www.youtube.com/watch?time_continue=108&v=2MD85Hc3etM
