O rodaripa taro “HOPS” so sine astarde terne so si an o riziko tari socialno inkluzia a odova si: čhave thaj terne bizo jeria thaj jeriengiri opservacia, čhave thaj terne Roma čhave thaj terne an o konflikto e kanonea , čhave thaj terne so istemalkerena jali panda lena psihoaktivno supstance. čhave thaj terne so si tari familia so lela psihoaktivno thaj sipstance jali si an o konflikto e kanonea, sikavela kaj o čhave thaj o terne an i Makedonia si kategoria so kreirinela fiktivno politika ko than reciprocitetno membripa an i them.
„O majtikno si le 8 berša so injektirinela drog, trujal so isi čhave taro salde 5 berša so lena aver psihosupstance sar so si lepako. Ko thavdipa e 2016 berš kotor taro amare membria kergje buti an o tereni thaj sine an i direktno komunikacia barabutne 33 dženencar so lena droga kote efta si neve. Ni jekh taro akala čhave na startujngja sasljaribaja soske isi administrativno bariere. Ko diveseskere centroa sasljaribaske na lena persone so si telel 18 berša . Odoleske sar jekhutni opcia si i Klinika baši Toksikologia kote o salsjariba si salde buprenofirnea. Numa te šaj lena o medikamenti trubul majangla, te kerel pe psihijatarsko percepcia signaturaja taro pedijatri. O problemi si odova so i Klinika baši toksikologia nane lčen personali sar so si psihijatari so šaj te kerel i percepcia , a taro Psihijatarsko hospitalo vakerena kaj našti keren odova soske si persone so si len telal 18 berša.
Sa kava si akana našahdutne t sasljaren pe o tikneberšengere persone so lena droga . O HOPS insistirinela ko majtikno roko o Ministeriumi bašo sastipa te realizirinel akcepcia e protokoleske ko sasljariba čhavenge so lena droga thaj ake dujto berš si panda ki hazrkerdi procedura thaj versia. Ko jekh rodena te formirinel pe multisketorsko bukajrni grupa so ka kerel programa sasljaribaske , thaj resocializacia thahj opservacia e čhavenge so lena droga” vakerela o Dekov.







